OGOTERA 226 - 250

NKONYEGET` ASE YESO   1 Nkonyeget` ase Yeso, `S` egekuba kiaye, Gakonyoroki` ogwancha, Nintimok` omoyo. `Gw` eriogi ri` amalaika, Banterera buya, Bitii bi` obonene, `Nyancha y`ekerore.   Chorus: Nkonyeget` ase Yeso, `S` egekuba kiaye, Gakonyoroki` ogwancha, Nintirnok` omoyo.   2 Nkonyeget` ase Yeso, Korwa ogwechanda, Korw` amatemwa y`ense, `Bibe mbikombua. Tinkoba n`obororo, `Bwoba, tang`uang`u; Amatemwa make Igo, `Mariga make igo!   3 Yeso, obotamero, Yeso onkwereire, Nimbek` ogosemia, `S` Egetare ki` Emiaka; Nganye ntari korosa, Nd` obotuko boere; Goika ndore emambia, `Gonkiera igoro.

  YESO NAKIRE?   1 Yeso nakir` as` obororo, Ntagoke gose gotera? `Gurub`endito birengererio, Orogendo rokondosia.   Chorus: Nkondend` ar`amaene_igo Oigure emechando,   Mobaso ndosa Botuko ng`iroka Omotoria ndenda.   2 Yeso nakir` as`omosunte, Konde nobwoba obonge;   Omobas`ore botuko bocha, Ere nkomber`are ang`e.   3 Yeso nakir` as`amatemwa, Ekero nche nasinyirwe; Boror` obonge ntatimogeti, Marig` akonagoiteka.   4 Yeso nakire kamakweri, Agwatanana abanchwa; Omoy`oichana ang`e n`ogokwa, Tagokira atandore.

NAMANYIRE OYOKONDAA   1 Kemerind` eng`etanaine, `Bis` enchera y`obogima, Tinkwoboa ekiagera namanyir` oyokondaa.   Chorus: Namanyir` oyokondaa, As` enyancha y`emechando Emerindo y`emechando, Yes` andae onsi mbuya.   2 Kemerindo ekonucha, `Se bitare bi` emechando; Tinkwoboa ekiagera namanyire oyokondaa.   3 Kamatemw` agonchichera, Nyancha neba embe mono; Korende ning`ike ng`umbu, Namayire oyokondaa.   4 Obwanchani bw` Omotoria, Bontang`aine as`enchera; Nimwegene goika ng`ike, Namanyire oyokondaa.

OMOTORIA NTANG`ANE   1 Omotoria ntang`ane, Ase chinchera chionsi, Nde buya kond` as`ore, Mb` as` obwanchani bwao.   Chorus: Ndae, ndae, Omotoria tinsira; Ndae amatuk` onsi, Ndae chinchera chionsi.   2 Naye obotamero, `Kero emechand` ere, Nde buya kore ang`e, Nsemeretie as`ore.   3 Ndae goik` omoerio, `Mechando yaerire, `Ngik` as` ense botaire, Marig` aratinyigwe.

KEMECHANDO YENSE EGOCHA   1 K` Emechando y`ens` egocha, `Segi nyancha na ense; Nindigi as` obotamero, `Se kiriri kia Nyasae.   Chorus: Nambise nche, Nambise nche, Ase ntanyor` emechando, Nambise nche, Nambise nche, `Se kiriri kia Nyasae.   2 Karandeter` emechando, Nisemerie Igoro; `S` obwanchani, nandongeyie, Takworoki` endamwamu.   3 Ababisa bakondigia, Saitani_ondigetie; Yeso aonchor` amabe, Kob` omogok` omonge.   4 Kobogori` omosalaba, Ndor` emechando y` ense; Yes` orendet` Omoy` one, Tagontiga nche nsire.

ANDE ONSI GANTANGAINE   1 Ande onsi gantang`aine, Nindagende mwegenete; Nkoinyora bun` ankwerete, Akabambw`aria Kalwari.   Chorus: Yeso nandae botambe, Yeso nandae and`onsi; Omosani bw`Ogokumia, Agankwer `ase Kalwari.   2 Nagokire komoigwera, Nagokire gantangaine; `Gwancha kway`ogwansu_ase nde, Gochenire na Kalwari.   3 Nindagende tinkoiroka, Ngoke Kristo kare ang`e; Nsemeretie komorora, Yes`Omosani_onkwerete.

NAY` ENCHERA   1 Nay`enchera togotamera korw` amakweri; Noyokorigia Tat` amorigie goeta as`ore.   2 Nay`ekeene ng`ana yao eru` obong`aini; Naye okoru` obonga`ini nagochen` enkoro.   3 Nay` Encher`, Ekeene, `bogima many` enchera;   Torend` ekeene naki` omogoko botambe.

`MONEN` EMERINDO NERE   1 `Monen` emerindo nere! Nig` ekogusa mono! `Mare _a igoro amwamire, Boigamo mbori ang`e;   `Gokirete togosira? Ng`aki orarare! Kera etageka gekogosa, Gototindeka nyancha.   Chorus: "Mbeo n`emerindo mbinyigwe, `morembe,   Neba endamwamu y`enyancha, Gos`ebirecha, gose monto onde, Mache takomera bwato as ` Omonene bw`enyancha n`ense are, Ng`a bigwer` okogania kwane, `Morembe, `Morembe Ng`a bigwer` okogania kwane Omorembe".   2 `Monene nigo ngweitia, Nyekany` as `obororo, `Nkoro yane yachandekire, O! boka na Ontorie. `Merindo y`ebib`ebinge, Yambuir` enkoro; Nasirire Nasirir` Omonen` ayerera onkonye.   3 Yes`obwoba bwasirire, `Morind` okanyekire, `Mobaso ororekanire, im` as` enkoro yane; Ganya Omoboria one, Tontiga nche bweka; Ntimoke as`ore n`omogoko, As` engegu y`ebisio.

MOGAMBI NGOCH`ARE BWANGO   1 `Mogambi ngoch`are bwango, `Ri`okweret` abanyabibe, Nache kwoyia abachenu, Abaire Igoro.   Chorus: Ngoch` Are, ngoch` Are, Ogocha kwaye ng`ang`e kore; O! Nachiche, O! Nachiche, Nachiche gototoria.   2 Twaror` ebimanyererio, Bikworoki` ogocha kwaye; Matuko bwango naere, Natogende _Igoro.   3 Amatuk` onsi nesegi, Titori n` ogotimoka; Goik` Omotoria asirie, `Bibe n`amakweri.   4 Ens` eyio ya_Igoro nenyia, Toraikaranse botambe; Toboyigwe Ogotakwa, Tomenye botambe.

MBOARE KI ERIO NG`IKE NKA?   1 Mboare ki_erio ng`ike nka? Ner` omorendi_akairania; `Botuko bono bwaerire, Ang`e bokiamoke, Tagoichana ayerera, `Gosemeria gokorae; Goik` onyore obonda, Bw` barabu_Igoro."   2 Nkamoboria omorwani, Naboigo n`er `akandemia;   "Bwata mono okorwana, Gwaisire koera, Tagoichana remereria, Kor`emeremo eere, Twatebigwe ekeegwa, `Kero torabue".   3 Erio nkaboria naende, Ense yonsi ekairania; "Orogendo rwaerire, Nka teri_are mono, Tagoichana twakureirwe, N`ebimanyereri` ebinge; Ebitongwa mbiganyete, `Riogi ri` Omonene".   4 Tari _are goika nka bori, Ekerengereri`ekiya; Kegotogwenia chinkoro, `Gotiny `amariga Tagoichana ntoumerane, `Se totatayaye rinde, Tobe n`omogoko bori, As` omochie o Tata.

AMANG`AN `AMAY` AS` OMOGENDI   1 Amang`an `amay` as` omogendi, `Yotayayete korwa nka; Omotoria mbwang`arairan`ense, N`obonda bwaye boche.   Chorus: Ngoch` are, Mbwang` arairan` ens` eye; Namanya nairane bwango, N`abagendi bonsi, baegw`obonene, `Ker` Omotori`aragambe.   2 Chimber`as` abachenu baraire, Nachimanorwe kegima; Baria bonsi baraire mbaboke, `Rio naende bamenye.   3 Ntoumeran` as`enka y`omogoko, Toter` ogotoreka;   Korwa chinsinyo chionsi chi`ense`eye, Tomosasim` Omogambi.   4 Haleluya amen Haleluya nabo, Gatoregene ntoike nka; Tosabe mono torendete, Ntobek` egutw` enyia.

ABACHENU BONO RENDA   1 Abachenu bono renda, Igoro yanyegerigwe; Mochiokie chitaya chiaino, Chibe ang`e kagoch`Ere.   Chorus: Ngoch` are, Ere Yeso; Ig` agocha n` obonene; Erio agambe botambe, Ngoch` are, Ere Yeso.   2 Eira ya Omotoria, Nwe mwabeirwe kegima pi;   Chianga chiasibigwe bo, Tebi` aband` okoborigwa.   3 Amagambi agure pi, Yeso mbwang` agocha bono; Morandie obuya bwaye, Amatuk` ataraera.   4 Ebisaku nabisire, Yeso nachiche bwango bo; Onsi ay`ense naete, Tera Yeso ngocha are.   5 Abamochi, inchwo bwango, Amatuko ng`ang`e are; Ayerer` atarasieka, Monyore obuya bwaye.

BUGI` ENGOMA   1 Bugi` engoma twora n`echinguru, Yeso nache naende; `Bagendi goka, tera mochenge, Yeso nache naende.   Chorus: Nkoiran`are, Nkoiran`are` Yeso nache naende.   2 Chisororo chiarw` as`ebitunwa, Yeso nache naende; Ngoch`ar`ere n`obonen` obonge, Yeso nache naende.   3 Ndirandigwe n`emerindo nyancha, Yeso nache naende; Rirandigw` as` abanto bonsi pi, Yeso nache naende.   4 Chiburuburu chiatworokirie, Yeso nache naeade; Mechando yabeire `nsinyo chionsi, Yeso nache naende.   5 `Bisaku bionsi biabeanire, Yeso nache naende; Rora chisemi chiamentekire, Yeso nache naende.

RITUKO RINENE NGOCHA RIRE   1 Rituko rinene ngocha rire, Yeso nachiche, Koira abana abageni, Enka y`omwando.   2 Natorore ogokia kw`emambia, Kogoseria Omosunte, Natorore ogokia, Kw`emambia, Kogwata chimbera.   3 `Mang`ana y`enchili narandigw` ebisaku bionsi, Monene bw`enyangi tateban` amarandi_abuge.   4 `Ba igoro bonsi bamokobe namar` agwoka, Omogambi ache abair`abaye ase batakwe.   5 Bari` abasani twatiganete, Natororane, Baria barosir` emioyo batinyigw` amariga.

EIRA YARURW` AS` ABEGENETE   1 Eira yaruru` as`abegenete, "Ngocha nde bwango mbair` abar`abane; Morende mono goika nachire, Timorara buna abande renda".   Chorus: "Morende mono goika nachire, Nimbae ense" N`eira yaye; "Soa `mogoko, namotimoke, Monyore chigutwa, mobwate mono.   2 Torende mono as`ogosaba, Nacher`abande buna omoibi; Twamanyire nigo are ang`e, Ko titomanyeti rituko renda.   3 Ee! ntore na ogosemeria, Ng`a Yeso Omonene oito nache; Chiira chiaye nechi`ekeene, "Mbwango ndach` aseigo mobwate mono".

NTOMANYETI ERE KAGOCHA   1 Ntomanyeti Ere kagocha, Mambia na mobaso gati; Ande nachiche mogoroba, Gose nobotuko gati;   Otebire torende mono, Titochirimia chitaya, Erio Er` ekero agocha Atonyore toganyete.   Chorus: Ntokoganyete  (Ntokoganyet` Aye, Ntorendete) Ntokoganyete  (Ntokoganyet` Aye. Ntorendete) Ntokoganyete  (Ntokoganyet` Aye, Ntorendete)   Nigo tokoganyet` Aye.   2 Nainyoire amaber` Aye,  Ageret` agatokwera; Agatig` obonene bwaye.  Gokwera abasirete; Kero kende nache kogoka,  Arore abw`akwerete, Bagokeret` ogocha kwaye,  `S `okoganya n` okorenda.   3 Yes` Omwanchw` Omoboria one, kwamanyire ningwanchete; Nasemeirie ninkoror`, Aye, Erio ong`arigani` as`ore; Korache konacha ekina,  Ase baria baratame, Ningokwani` erio Omosani, Nkoganyete nakorenda.

GOK`ENS` OMONENE NACHE   1 Gok`ens` Omonene nache, Rotot` Omogambi, Ker`oyomo amoganye, Ere kagochicha, Ere kagochicha, Ere, Ere kagochicha.   2 Gok` ens` Omone_agambe, Banto bamotogie, Bonsi na bionsi Motogie, Motogie kobua, Motogie kobua, Moto-motogie kobua.   3 Nagamb` ense as` obuya, Bisaku bimanye, Obonene bwaye bori, Obwanchani bwaye, Obwanchani bwaye, `Bwanchani `bwanchani bwaye.   4 `Bib` obororo mbikoba, gos` amagw` as` ense, Naretan` ogosesenia, gotub` amab`onsi, `Y` okoragereria, `y` oko-`y` okoragereria.

NORE ANG`OMONENE BW`ENYANGI KAGOCHICHA   1 Nore ang` Omonene bw`enyangi kagochicha,   Nore ang` Omonene bw`enyangi kagochicha, Ngoch`are, Ngoch`are. Kabe ang`e, Bweboyi` obe ang`ere kagocha.   Chorus: Ror` Omonene bwe`nyangi ngoch`are, Ror` Omonene bw`enyangi ngocha`are, Ngoch`are, ngoch`are kabe ang`e, Bweboyi`obe ang` Ere kagocha.   2 Chitaya chiano ngwoka chire Ere kagocha, Chitaya chiano ngwoka chire Ere kagocha, Nachiche bwango, Nachiche bwango, Orotot` Omonene kagocha.   3 Togende tomorotote kagocha, kagocha, Togende tomorotote kagocha, kagocha, Togende tomorotot` ekero, Omonene bw`enyangi Agochicha.   4 Natotere haleluya, kagocha kagocha, Natotere haleluya, kagocha kagocha, Tera haleluya! haleluya` Omonene bwenyangi ngoch`are.

TOIROKA ABABISA   1 Toiroka ababisa, Nyasae nakorende; Ins`ase chimbaba chiaye, Nyasae nakorende.   Chorus: Nyasae nakorende, Kero gionsi nchera chionsi, Igo nakorende, Nyasae nakorende (nakorende).   2 Kero ki` amatuk`amabe, Nyasae nakorende; Nony` as` obororo bwonsi, Nyasae nakorende.   3 Nako` okogania kwao, Nyasae nakorende; Takwang` ogosaba kwao, Nyasae nakorende.   4 As` amatemw` ande onsi, Nyasae nakorende; `Morosu eegek` asare, Nyasae nakorende.

GOSE MAMBIA ERIOBA RIKOOROKA   1 Gose mambia erioba rikooroka, `Mobas`oseri` omosunte n`ekiriri; Yeso narache n`obonene bwaye, Kwoyia abanto baye.   Chorus: O! Yeso Kristo ndiriri, Natoak`eriogi? Yes`ochire, haleluya, haleluya nabo     Haleluya Amen.   2 Gose mobaso gati gose ko bwaira,  Gose nebe obotuko bw`ekeigoro; Neb`omobaso korw`obonene bwaye, `Kero Yes` Akwoyi` abaye.   3 `Buya n`omogoko titogokwa rinde, ` Borwair` obororo n`ebirero mbiyo, Kobogorigwa as`obonene bwaye, `Kero Yes` Akwoyi` abaye.   4 Emeganda yaye etere Hosana, Amalaika n`abachenu mbabeo; Obuya nabobe as` obosio bwaye, `Kero Yes` Akwoyi` abaye.

YESO NGOCHICH`ARE   1 Yeso ngochich` are, kwoyi` abanto baye, Abachenu baye bonsi, Baikarans` as`are; Rigereria_Igoro, Goka na gotera, Nache n`obonene bwaye, Yeso Omogambi.   2 Ense netengeche igoro neete, Omobe ng`ai-orabe ase rituk`erio? Botamero mboiyo, nonya n`oboigamo, `Ndamwamu erorekane, Kamaber` aerire.   3 Amais` ay`agwoka, Nasambe ababe, Onde tagwator`erieta, ria Yes`eker`ekio; Y`okogecha, taiyo, As` Abakrist` erio, Ogosaba n`ebirero Nabibe bos`erio.

RIGESA RI`ENSE RIABEIRE ANG`E   1 Rigesa ri`ense riabereire ang`e, Omonene narigeti` abagesi; Bagese endagera yomire pi, Omonene ayegache kagocha.   Chorus: Angoa. . . bwango. (Angoa abagesi, Angoa. Ira rigesa kiage, are nka) Angoa. . . bwango. . . Angoa. . . bwango. (Angoa abagesi, Angoa, Reta_igesa nka)  Toire nka.   2 Rituko erio rigiya botambe, Ngocha rire bwango, bwango kegima; Ebibe biasiareire rigesa nchuo, Ayerera gesa ribaga ndire.   3 Togese tore n`obwanchani mono, Ogokonywa nkorue aaria igoro; `Bwanchani bwatorangeirie togese, Rigesa nditoganyete togende.

KO RIRANDI RIKOBUGIGW` AS`OMOERIO   1 Ko rirandi rikobugigw` as `omoerio, Natorore omobas` obarire; N` abatorigwe korw`ense baumeran`aria ng`umbu, Gakorangeri` amarieta nimbeo.   Chorus: Gakorangeri`amarieta, Gakorangeri` amarieta, Gakorangeri` amarieta, Gakorangeri` amarieta nimbeo.   2 Rituk`erio n`omogok` abachenu bakoboka, Nabakwete kare nababoke pi; Abachore nabagende na Nyasae igoro, Gakorangeri` amarieta nimbeo.   3 Natokore emeremo ya Nyasae eere, Tokwan`obwachani_obo bw`ogokumia; Eri` emerem` ekoera natogende Igoro, Gakorangeri` amarieta nimbeo.

TINDIGETI OBONDA   1 Tindigeti Obonda gose obonene, Tatiga mb` omochenu ing`ike igoro; `Getabu ki`obogima kerikire buya, Erieta riane rende, Naki ndirikire`?   Chorus: `Rieta riane gose, ndirikir`aroro? `S`egetabu Igoro, naki ndirikire?   2 `Bibe biane nebinge buna omokenye, `K`amanying` Omotoria nar` ang`isanire; Kwabekire eira ``mbib` ebibariri, Nabirabe kegima, Kegima naende".   3 Ror`omochie omuya, chinyomba chinene, `Bamenyi babegete chianga chindabu; As`obobe botache gosaria amaya, Erieta riane rende, Naki ndirikire?

OTORANGERI` OMOGAMBI OITO   1 Otorangeiri` Omogambi_oito, Toikarans` as` enyangi yaye; Naki erabe ase tore, Ere kagocha.   Chorus: Ere kagocha minto, `Mogambi kagocha, Naki erab` ase tore, Ere kagocha.   2 Nabekerw` obonene bwaye, Egutwa ribaga ri`amagwa; Kororekane ogosikwa, Ere kagocha.   3 Bun`ekomesa engaki_eyio, `Bia bobisi birorekane; Tororekane buna tore, Ere kagocha.   4 Nagokere abatorigwe, Babegete chianga chi`enyangi; Naki_ere buy` as` ababui, Ere kagocha.